10 نكت جزائرية جدييييييييييييييييييييييييدة

من طرف 00mohamed الأربعاء سبتمبر 10, 2008 8:22 pm

السلام عليكم
1.أيا واحد حابس طلق مرتو , كي راحو للقاضي صقصاه القاضي وعلاش ؟ قالو راها تخون فيا , قالو القاضي كيفاش عرفت : قالو في بطاقة التعريف مكتوب إمضاء صاحبها ,, خخخخخخخ
2.قالك القاضي سأل متهم : هل أنت متزوج ؟ المتهم قال : نعم , قالو القاضي : بمن ؟ المتهم : بامرأة , القاضي قالو : وعلاش كشما شفت واحد متزوج براجل ؟ قالو المتهم : نعم , القاضي هلع وسأله : من ؟ المتهم : أختي متزوجة براجل
3.قالك إرهابي تضارب مع صاحبو , نهار تـفاهموا , قالو اسمحلي هيا نخلصك شامبيط (حرس بلدي ) في الغدا
4.واحد كان لابس صباط تاع مليون , طلع في الكار , عفست عليه عجوز , قالها يا الحاجة راكي عافسة على مليون قالتو تاعي وين راها ؟
5.واحد المعلمة صقصات طفل , قاتلو قول صباط , قالها " هباط " , قاتلوا صباط ماشي هباط , قالها هباط , قاتلو صباط قالها هباط , المهم قالتول جيب ولي أمرك , كي جا ولي أمرو قاتلو أنا نقولو صباط وهو يقول هباط قالها : حبيتيه يقولك هابو (زعمة صابو )
6.واحد الطفل ديما يروح لحانوت يقولو : عندك ملح ؟ اعطيني سكر . عندك قزوز ؟ أعطيني سعيدة , يصقصيه على حاجة ويدي حاجة أخرى , المهم وحد المرة كان جايز باباه , عيطلو مول الحانوت قالو : ولدك راه يمرضني , يصقصي على حاجة ويدي حاجة أخرى , قالو باباه : عندك عصا ؟ قالو ايه , قالو أضربو بكف
7.واحد كان ياكل في مطعم موسخ بزاف , كي خلص الماكلة قالهم وين راه المعلم نشكيلو سوء التسيير , قالولو راه في المطعم المجاور يتغدى
8.واحد كان في مطعم ياكل لقا فار ميت في الشوربة , راه يشكي قالولو مازالك 5 فيران وتربح معانا في الطومبولا
9.واحد ديما يهز معاه قرلو ميت باش كي يروح للمطعم وياكل يحط القرلو في الماكلة وممبعد يروح يشكي , يقولو مول المطعم كول باطل وما تبهدلناش , ديما يدير هكذا , وحد المرة فاق بيه صاحبو قالو أعطيني كشما عندك قرلو ميت , قالو مازالي 4 نستقهوا بيهم
10.أيا قالك واحد تسكن قدامو وحدة ألمانية , كل صباح تقولوGUTAN TAG
معناها صباح الخير , وهو مايفهمش, المهم سقصا صاحبو واش معناها , صاحبوا قالو معناها صباح الخير , المرة الجاية كي قالتلوا الألمانية GuTan Tag قالها Taaaaaaaag زعمة << بخيييييييييير
تحياتي